Tina Fernández do Club Atletismo SAR con 1h.23:02 e Anxo Castro do Vicky Foods con 1h.07:44, proclamáronse no día de onte campións galegos de media maratón na edición levada a cabo no Concello de Vilagarcía baixo a participación de preto de medio milleiro de persoas.
Nunha xornada que a nivel climatolóxico gozou das condicións óptimas para o seu desenvolvemento, Anxo Castro que partía como favorito ao título, reeditaba o campionato logrado o ano pasado en Pontevedra. No podio estivo a compañado por Álvaro Prieto do Atletismo Corredoiras que chegaba a 68 segundos, sendo terceiro Jorge Crespo do Atletismo SAR a dous minutos e catro segundos da cabeza.
No tocante á categoría femenina a especialista en ruta Tina Fernández quen partía entre a relación de candidatas a medallas, lograba impoñerse neste certame logo de quitar corenta segundos á segunda clasificada, María Jesús Conde do Lugo Running e un minuto á medallista de bronce, Sofía Freaza do Comesaña S.C.
No apartado de récords galegos, salientar o logrado polo atleta M65 Manuel Suárez do Veteranos de Samil quen invertía un tempo oficial de 1h.20:44.
Atletismo sar e ADAS CUPA, domiñaron por equipos
Por equipos, nos que tamén estaba en xogo as medallas, o campionato na categoría feminina foi parar ao Club Atletismo Sar integrado por Tina Fernández, Inés Ramos e Silvia García. Na categoría masculina foi o ADAS CUPA formado por Jonathan Díaz, Emilio Pérez e Ricardo Vázquez quenes daban o título ao conxunto de Valdeorras.
O Fisioterapia San Lázaro e o SD Compostela Atletismo en mulleres e o Atletismo Sar e Atletismo Corredoiras en homes, completaban o resto das zonas de podio na modalidade de equipos.
Relación de campioas e campións galegos 2023
- Absolutos. Tina Fernández (At.SAR) e Anxo Castro (Vicky Foods)
- Sub20. Ainoa Gontán (SD Compostela)
- Sub23. Martín Barreiro (At. Narón)
- Master 35. Silvia García (At.Sar) e Anxo Castro (Vicky Foods)
- Máster 40. Tina Fernández (At.SAR) e Álvaro Prieto (At. Corredoiras)
- Máster 45. Natalia García (R.Oleiros) e Alejandro Pesado (C.A.Pino)
- Máster 50. Inés Papín (At. Sada) e Elias Domínguez (Fisio.S. Lázaro)
- Máster 55. Teresa Castro (At. Noia) e Santiago Falcón (At. Cambados)
- Máster 60. J.Carlos Brandón (Fontes do Sar)
- Máster 70. Gonzalo A.Vázquez (Esprintes Ou.)
- Máster 75. Roberto Rey (Vet. Samil)
- Máster 80. Julio C. Constenla (At.+9Moraña)