Un total de doce atletas son os que viaxarán esta fin de semana a terras cántabras para tomar parte na edición número dazaseis do Campionato de España de Montaña-Trail Running.
Ata o Concello de Liencres acudirán catro atletas do club S.D. Compostela quen estará representado por Paula Ramos, Brais Pérez, Iván Abeledo e Jordi Carrasco. Outro dos clubs presentes será a entidade lucense fundada no 2016 do C.D. Biosbardo que estará representada por Jonathan Pérez, Eneko Hurtado e Iván Sanguiao. Xunto aos citados, estarán tamén Esther Bouso do Club Samertolameu, Rubén Martínez do Atletismo Negreira, Nemesio Gutiérrez do Atletismo Friol, José Benito Gómez do Ourense Atletismo e o atleta independente Aythami López.
Entre a expedición galega cabe salientar a presenza do subcampión nacional máster 60 do ano 2019 Nemesio Gutiérrez.
A nivel estatístico o Concello de Esgos, esciario asiduo da celebración do Campionato de Galicia, foi sede da disputa do Campionato Nacional no ano 2015 onde os atletas galegos e galegas lograban a súa máis destacada actuación ata o momento, ca consecución dun total de doce medallas (cinco ouros, dúas pratas e cinco bronces)
Máxima protección ao medio ambiente
Nesta edición como é costume, seguiranse estritas medidas de protección e conservación do espazo natural recollidas no regulamento da proba, cuxo incumprimento leva consigo a descualificación automática do campionato.
Foto portada: Arquivo do Facebook C.D.Biosbardo
