Importantes bazas para o nacional Sub18

Seguimos unha nova fin de semana ca disputa dos últimos campionatos de España de Pista cuberta. Si o anterior puidemos presenciar o desenvolvemento do nacional Sub20, desta vez un total de dazaseis galegos e galegas será quenes viaxarán ata Barcelona para participar na edición catroxémino terceira do Campionato Sub18 de pista cuberta.

Da expedición chegada ata Barcelona o máis salientable será ver en acción ao velocista do Celta Martín Barcia quen tomará parte nos 200 m. cun rexistro de 22.84 que o sitúan entre os postos importantes dos participantes. Na mesma proba pero na categoría feminina  Ainhoa Reparaz do Val Miñor,  acude a loitar por un dos metais en xogo logo de amosar recentemente o excelente estado de forma polo que atravesa e que a levarían a batir os récords galegos tanto nos 60 m. con 7.75 como nos 200 m. con 25.18 nos pasados autonómicos Sub18 en Ourense

Os 3.000 m. será a proba que máis presenza de galegos teña xa que dos dazaseis participantes, catro son galegos. Pedro Vázquez do Celta que xa fora cuarto no nacional de aire libre dos 1.500 m. do ano pasado, é quen acude co mellor rexistro dos galegos participantes de 8:41.34.

Xa nos concursos, Carlota Salgado do Celta con 1.69 m. e Enma Sihuang da Atlética Lucense con 1.67 m. estarán novamente mantendo un intenso man a man pero desta vez a nivel nacional, xunto ao resto de atletas. A celeste ademáis,  xa fora prata no nacional Sub16 do ano pasado.

O triplo salto será sen dúbidas a proba que máis atención depare para os intereses galegos xa que tanto a saltadora do Ría Ferrol Diaou Diallo con 12.65 m. como Alba Cuns con 12.55 m. ocupan as dúas primeiras posicións do ranking nacional. A final, será unha nova oportunidade de ver en acción a estas dúas formidables atletas nun sector referente últimamente para o noso atletismo.

No círculo de peso contaremos ca lanzadora do Ria Ferrol Xiana Lago, quen representa unha importante baza para sumar metáis nesta competición. A  pupila de Frank Casañas acude con 14.49 m. que representan con diferencia, a mellor marca nacional do ranking Sub18 do presente ano.

Continuando co papel de destacadas, Lucía Sánchez del Valle da Atlética Lucense tomará parte no concurso de pentathlon a onde acude ca mellor marca nacional das participantes con 3.768 puntos efectuado no pasado campionato de Galicia Sub18 e que representan unha nova plusmarca autonómica da categoría.

 

Compartir: