Protagonismo para as máster

Intenso e moi productivo fin de semana o que vivirían os nosos atletas masculinos e femininos da categoría máster nas distintas probas programadas.

Para comezar importante éxito no Campionato de Europa de Ruta que se desenvolvería en Alacante do 18 ó 21 e na que os nosos representantes acadarían un total de seis medallas. Nesta cita, cabe salientar os títulos continentáis de Soledad Castro Soliño do Comesaña quen amplía desta forma o seu xa de por sí importantísimo currículo cun novo título na proba da media maratón máster 50 ó establecer un rexistro de 1:25:43. O outro título viría da man de Xosé Lois Otero do Club Universitario quen colleitaría o prezado metal na proba dos 10 km. Ruta máster 55 con 38:43

As dúas pratas serían para o atleta do Egovarros Antonio Cabanas quen sobre a media maratón M-75 establecería un rexistro de 1:45.55. Mesmo metal para Elías Dominguez do Miler Running nos 10 km. Máster 45 con 32:39

Por ultimo os dous bronces restantes serían para Jorge Arias do Atletismo Fontes do Sar e Esther Pedrosa do Universitario de Santiago. A santiaguesa competiría na proba dos 10 km máster 55 marcando un rexistro de 38:58 polos 1h.08:37 na media maratón máster 35 do atleta do SAR

A outra boa nova procedería de Lugo, xa que durante a disputa do memorial Gregorio Pérez Rivera o atleta máster 75 do Egovarros de Viveiro José Vicente Rioseco cun rexistro de 5:28.58 establecería un novo récord de España que suma ó seu dilatado palmarés entre o que figura o récord do mundo indoor dos 800 m.

Campionato de Europa máster en ruta

Compartir: