A pasado venres asinábase na sede da R.F.G. de Fútbol un convenio de colaboración entre a entidade futbolísta e a Federación Galega de Atletismo na procura de estreitar lazos entre ambos organismos deportivos.
O Presidente da FGA Isidoro Hornillos e o Presidente de árbitros de Galicia Bernardino González, escenificaron a importancia de compartir recursos e optimizar medios polo que ambas federacións comprometeronse á cesión mutua de instalacións na medidas das súas dispoñibilidades.
Outro dos aspectos barallados foi o de traballar para impartir coñecementos técnicos aos preparadores físicos da RFGF e do Comité Técnico de Árbitros, ademais da posibilidade de formar aos seus xuíces e integrar aos atletas no estamento arbitral.
Por último tamén, e como froito deste asinado, nacerá a “Olimpíada Arbitral Galega” na que cada delegación arbitral creará a súa propia selección de atletismo e participará xunto ao resto, nunha xornada de competición e irmandamento. Ademais, os árbitros/as que se federen en atletismo defenderán as cores do seu club filial en calquera competición atlética.