Susana Rodríguez Gacio vén de ser nomeada filla predilecta de Mondoñedo nunha intensa xornada celebrada no día de hoxe en Mondoñedo, que contou coa presencia da Federación Galega de Atletismo.
A xornada comezou cunha charla coloquio na que participaron ademais da propia Susana, o seu guía Celso e os seus adestradores Luis Piña e Ramón Troncoso, nunha ateigada Casa da Xuventude, contando con Raúl Redondo González Ares, o técnico de Deportes de Mondoñedo como anfitrión.
Posteriormente, no auditorio da vila celebrouse o acto institucional de nomeamento de Susana Rodríguez Gacio como filla predilecta de Mondoñedo, que contou coa presencia da súa familia, amigos, veciños e diversas autoridades.
Xa pola tarde , houbo unha sesión técnica de Atletismo que contou coa dirección de Susana e do seu equipo de traballo, nun histórico día para a vila mariñana.
A corporación de Mondoñedo estivo presente ao completo, liderada polo Alcalde Manuel Otero e a vicevoceira do PP no Parlamento Galego, Elena Candia. Ademais estiveron presentes o Delegado da Xunta de Galicia en Lugo, Javier Arias, o Xefe do Servicio Provincial de Deportes, Manuel Otero, o Deputado Provincial, Roberto García e o Vicepresidente da FGA, Suso Vázquez.