A Federación Galega de Atletismo participará xunto a outras vinte federacións deportivas galegas no proxecto Lugo co Deporte, Deporte con Corazón.
O ciclo comezará o vindeiro 22 de xuño no Vello Cárcere da Cidade das Murallas cunha xornada na que se poderá presenciar diversas mesas redondas nas que se tratará sobre lesións deportivas, a necesidade do recoñecemento médico deportivo e nutrición deportiva. De igual modo organizarase un obradoiro de reanimación cardiopulmonar e uso do DESA.
Posteriormente cada mes a partir de setembro, daranse encontros coas seguintes temáticas:
- Deporte en Familia
- Deporte inclusivo
- O Deporte non ten idade
- Nutrición
- Muller e Deporte
- Deporte e Rehabilitación
- O Deporte dende outros puntos de vista
Do mesmo modo durante os días 6 e 7 de xuño de 2020 terá lugar a I Xuntanza Multideportiva Cidade de Lugo que se desenvolverá no Pazo de Feiras e Congresos de Lugo e onde as diferentes disciplinas deportivas realizarán diversas actividades.
O Vicepresidente da Federación Galega de Atletismo, Jesús Vázquez destacou que “é unha iniciativa moi interesante de cara a propiciar hábitos saudables entre a cidadanía, á vez que se coñecen diferentes actividades deportivas”.